واع /اذكرني

واع / بقلم:دموع اشور

شسويلي شحط لجروحي شصبرني
شداويني شرمم ياكسر شبني

شمحي وششگگ شدفن وشنساك
يا اول بشر اعشگه وهو يغدرني

من بالي شيطلعك مو حجي وانساك
ولا سلعة واكول الله اليعوضني

انا عگلي وگلبي وروحي احسها وياك
يا اول محطة دخلتلها وضيعتني

لان عفت كل المحطات واجيت اهنا
لان من غربه جاي ورايد تلمني

لان كتلك دخيل ومالي غيرك ليش
لكيتك بالطعن اكثر بشر طاعني

اجيت وسيست بيك وكلتلك هاك
ايدي الزمها حيل و بالك تهدني

تقشمرني بحجة شوية وترد يهواي
رحت وما اجيت بحيرة عايفني

كمت احسبلك عمر مو ساعات
خلص عمري اعله جيتك خايب اذكرني

لليوم اناشد وسأل اعليك الناس
حرام وداعتك ليهسه عايفني

اجلب باليعرفك لو لكيته وراح
اشلعله العيون اذا يمك يوصلني

بس كون اشمك وبحضنك اشهگ حيل
واحلفنك بعد بالك تغربني

بعدك بالكلب خنجر احسه يفوت
جمر ابنص دليلي وحيل يحرگني

احرمني شما ردت ماراح اكولن لا
بس منك صعب يا ولفي تحرمني.